El mundu de Toya

Nació en Sotrondiu, San Martín del Rei Aurelio, en 1963. Profesor d’enseñanza primaria, ye un autor especializáu esclusivamente en lliteratura infantil y xuvenil.

Hasta la fecha tien publicaos seis llibros: Lo mío cómu ye (1994), Maxa de branu (1996), Fuera de xuegu (1998), Toya (1998),  La triba de Xinés (1998) y El mundu de Toya (2004). Con motivu de la publicación de la so primer obra en 1994 declaraba a los posibles llectores que con esti llibru pretendía "namás que pueas pasar dalgún momentu bonu cola llectura y si amás te suena dalguna de les situaciones qu’apaecen, meyor que meyor". Esa declaración ye bien representativa del so mou de facer, que caltién siempre los pies bien llantaos nel mundu real y cotidianu que viven los rapazos d'anguañu.

Xulio Berros tien publicao tamién un relatu nel númberu 2 de la revista Sietestrellu, col qu’algamó’l II Premiu de Cuentos de Riaño-Llangréu, y participó nel volume colectivu Cinco años de lliteratura asturiana.