Milio Rodríguez Cueto

El ciegu la esquina  Aventures
Les razones del calamar  El final de la Historia
L'últimu volador Véndese pisu  Carne de melandru

La obra de Milio R. Cueto empezó a conocese a mediaos de los años ochenta al través de publicaciones como Hojas Universitarias, onde publicó los sos primeros relatos: «De los Suárez-Concheso de Llaviana». Daquella dio a estampa delles colaboraciones na revista Lletres asturianes, ente elles la versión asturiana del famosu poema de Gabriel Ferrater In memoriam.

Ye autor d'ensayu (Vistes Lliteraries y El velatoriu de Blancañeve, premios «Máximo Fuertes Acevedo» 1992 y 2000 respectivamente), novela (Románticu, 1993; Carne de melandru, Premiu «Mª Josefa Canellada» 2012), relatos (Aventures, 1997; El ciegu la esquina, 1998; Les razones del calamar, 2000; L'últimu volador, 2004; Véndese pisu, 2006; El final de la Historia, 2010), poesía (Flores de cementeriu, premiu «Xuan María Acebal» 1999) y un diálogu a la manera renacentista (Diálogu de la llingua o los gochos llinguateros, 1990), amás de traductor (Shakespeare, Stevenson, Oscar Wilde, Álvaro Cunqueiro, etc.) y columnista. 

N'español, ganó'l premiu Edebé de narrativa xuvenil con Mimí al volante. Con esa mesma editorial publicó Laura contra el tiempo y La piedra de la culebra.