Saki
(Birmania, 1870 - Francia, 1916)

Les cróniques de Clovis

Fue'l seudónimu literariu d'Hector Hugh Munro. D'orixe escocés, nació en Birmania (actual Myanmar) en 1870 y al quedar güérfanu de neñu crióse cola familia de Devon (Inglaterra). La tradición familliar militar llevólu, a los ventitrés años, a alistase na Policía Militar de Birmania, pero frecuentes ataques de malaria obigáronlu a volver pa Inglaterra, onde comenzó a escribir como articulista. A primeros del sieglu XX fue corresponsal nos Balcanes pa la prensa conservadora londinense, y nos años siguientes cubrió l'actualidá en Rusia, Polonia y París. Al españar la Primer Guerra Mundial, alistóse nel exércitu, pesie a pasar la edá de reclutamientu forzosu. Lluchó como sarxentu nel 22 de Fusileros Reales. Matólu un francotirador en noviembre de 1916. Les sos últimes palabres, enantes de recibir el tiru, fueron: "Apaga esi condenáu pitu".

Como gran parte de la so obra, Les cróniques de Clovis fueron publicándose como artículos nel Wetminster Gazette. La primera edición en llibru vio la lluz en 1911.

 

Home